Azərbaycan Millət vəkili Məşhur Məmmədov, “Azərbaycan Beynəlxalq tədbirlər üçün təhlükəsizlik qarantı olan ölkədir”, ÖZEL
Millet vekili Meşhur Memmedov,
COP29 ərəfəsi bütün diqqətlər ölkəmizə yönəlib. Təminatlı təhlükəsizlik qarantı olan Azərbaycan buna qədər bir çox möhtəşəm tədbirlərə evsahibliyi edib. COP29 zamanı Azərbaycanda bütün tərəflərin özlərini rahat hiss etdiyi bir mühit yaradılacaq.
Ölkəmizin Qoşulmama Hərəkatında körpü rolunu oynamaqda böyük təcrübəsi var. Azərbaycan Hərəkata dörd il sədrlik etdi. 120 üzv ölkə ilə həqiqətən də böyük tərəqqiyə nail olduq. Paralel olaraq Azərbaycan Avropa İttifaqına üzv olan ölkələrlə fəal işləyir. Üzv ölkələrin doqquzu ilə strateji tərəfdaşlıq haqqında Bəyannamə imzalamış və qəbul edilmişdir. COP üçün yenilik olan bir təşəbbüs Azərbaycan tərəfindən irəli sürülüb. Əgər yaşıl dünyaya doğru əlavə və davamlı olan konkret addımlar ata bilsək, bu, ən vacib miras olacaq.
Azərbaycanda möhtəşəm tədbir zamanı qlobal əhəmiyyətli məsələlər müzakirə olunacaq. Qlobal Cənub və Qərb və iqlim dəyişikliyi məsələlərinin öhdəsindən gəlmək üçün birlikdə bu prosesdə necə iştirak etməliyik, həmrəyliyi, ortaq məsuliyyəti necə gücləndirməliyik və iqlim dəyişikliyi məsələləri ilə bağlı müəyyən inamsızlığı necə azaltmalıyıq kimi məsələlər fərqli yanaşmalar kontekstində aktiv şəkildə müzakirə olunacaq.
COP-dan əvvəl daha çox maliyyələşməni təmin etmək üçün Azərbaycan və neft hasil edən digər ölkələrin hansı əlavə töhfələri ola bilər kimi həmrəylik paketini yaratmaq üçün bir çox neft hasil edən ölkələrlə işləyir. Azərbaycan həm də OPEC+ üzv ölkəsidir. Neft hasil edən ölkələr, xüsusilə neftin qiyməti yüksək olanda problemin öhdəsindən gəlmək üçün daha çox ödəniş etməli və daha çox töhfə verməlidir.
Üçlük, üç ölkə mexanizminin yaradılması ideyası da Azərbaycan tərəfindən irəli sürülüb. Burada məqsəd bu üçtərəfli əməkdaşlıq formatını yaratmaq üçün BƏƏ-nin, Azərbaycanın və sonra Braziliyanın təcrübəsindən istifadə etməkdir. BƏƏ, Azərbaycan və Braziliya müxtəlif regional, iqtisadi, siyasi və sair məsələlərdə iştirak edir.
Həmrəylik maliyyələşmənin və necə uğur qazanacağımızın ayrılmaz hissəsidir.
Prezident İlham Əliyev cari ilin 26 aprel tarixində Almaniyanın paytaxtı Berlində keçirilən “15-ci Petersberq İqlim Dialoqu”nun Yüksək Səviyyəli Seqmentində iştirakı zamanı “Euronews” telekanalına verdiyi müsahibə ilə bir çox sübliminal mesajlar verdi.
Bir daha duqqətə çatdırdı ki, ölkələr malik olduqları təbii sərvətlərə görə mühakimə olunmamalıdırlar. Biz qarşılıqlı səylər, həmrəylik göstərməli, bir-birimizi günahlandırmağı dayandırmalıyıq. Nefti olmayan ölkələr nefti olan ölkələri ittiham etməməlidir, kiçik və inkişaf etməkdə olan ölkələr inkişaf etmiş böyük ölkələrə “siz iqlim fəlakətinə görə məsuliyyət daşıyırsınız” deməklə onlara qarşı tələblər irəli sürməməlidirlər. Bu diplomatiyadır, siyasətdir, maliyyədir və Azərbaycan bunun üçün bir platforma yarada bilər.
Ölkələr təbi sərvətlərdən necə istifadə etdiklərinə görə mühakimə olunmalıdırlar. Əksinə həmrəylik göstərib qloballaşan dünyada səmərəli layihələrin həlli üçün birgə səy göstərməlidirlər.
Ülker PİRİYEVA/AZERBAYCAN
