Azərbaycan Diaspor Gəncləri 8 Noyabr – Zəfər Günü münasibətilə bir araya gəlib – Renk Gazetesi https://renkgazetesi.com Fri, 10 Nov 2023 17:07:00 +0000 tr hourly 1 https://renkgazetesi.com/wp-content/uploads/2025/03/cropped-renk-logo-32x32.webp Azərbaycan Diaspor Gəncləri 8 Noyabr – Zəfər Günü münasibətilə bir araya gəlib – Renk Gazetesi https://renkgazetesi.com 32 32 Azərbaycan Diaspor Gəncləri 8 Noyabr – Zəfər Günü münasibətilə bir araya gəlib https://renkgazetesi.com/az%c9%99rbaycan-diaspor-g%c9%99ncl%c9%99ri-8-noyabr-z%c9%99f%c9%99r-gunu-munasib%c9%99til%c9%99-bir-araya-g%c9%99lib-h51309.html Fri, 10 Nov 2023 17:07:00 +0000 https://1453kralmedya.com/az%c9%99rbaycan-diaspor-g%c9%99ncl%c9%99ri-8-noyabr-z%c9%99f%c9%99r-gunu-munasib%c9%99til%c9%99-bir-araya-g%c9%99lib-h51309.html

 

 

 

 

Azərbaycan Diaspor Gəncləri 8 Noyabr – Zəfər Günü münasibətilə bir araya gəlib

, 2023

 

 

 

Azərbaycan Diaspor Gəncləri 8 Noyabr – Zəfər Günü münasibətilə bir araya gəlib

Azərbaycan Diaspor Gəncləri (ADG) platformasının 8 Noyabr – Zəfər Günü münasibətilə onlayn formatda görüşü keçirilib.

 

 

 

Tədbirdə Vətən müharibəsi iştirakçıları və ADG-nin 40-dan çox ölkədən 70 nəfərə yaxın üzvü iştirak edib.

 

 

 

 

Görüş iştirakçılarını salamlayan Diasporla İş üzrə Dövlət Komitəsi sədrinin müşaviri Emin Rüstəmov ölkəmizin müasir tarixinə qızıl hərflərlə həkk olunmuş Zəfər Günü münasibətilə gəncləri təbrik edib. Azərbaycan Prezidenti, Müzəffər Ali Baş Komandan İlham Əliyevin qətiyyətli rəhbərliyi və qəhrəman ordumuzun şücaəti nəticəsində torpaqlarımızın işğaldan azad olunmasından, bu möhtəşəm günün önəmindən danışıb.

 

 

 

 

Tədbirdə çıxış edən Vətən müharibəsi iştirakçıları – Xüsusi Təyinatlı Qüvvələrin hərbçisi, Suqovuşanda Azərbaycan bayrağını ucaldan İlkin Fərzəliyev və müharibənin son günlərində yaralanaraq düşmən tərəfindən əsir götürülmüş Amin Musayev keçdikləri döyüş yollarından bəhs ediblər.

Suqovuşanda Azərbaycan bayrağını ucaldarkən inanılmaz hisslər yaşadığını vurğulayan İlkin Fərzəliyev həyatda ən çox sevindiyi günlərin məhz müharibə dövründə işğaldan azad edilən torpaqlarımızda Azərbaycan Bayrağının qaldırılması və Ali Baş Komandana məruzə edildiyi anlar olduğunu bildirib.

Amin Musayev yaralı olmasına baxmayaraq, düşmənin ona qarşı qəddarcasına davrandığını, dövlət başçımızın səyləri nəticəsində əsirlikdən azad edilərək doğma vətənə qaytarıldığını söyləyib.

 

 

 

Qazilərimiz möhtəşəm Zəfər Günü münasibətilə dövlət başçımızı, xalqımızı və xaricdə yaşayan soydaşlarımızı təbrik ediblər. Müxtəlif ölkələrdən qoşulan Azərbaycan gənclərini bir arada görməkdən məmnun olduqlarını, diaspor gənclərinin doğma vətənimiz naminə böyük işlər görəcəklərinə inandıqlarını nəzərə çatdırıblar.

Görüş qonaqların ADG üzvlərinin suallarını cavablandırması ilə yekunlaşıb.

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/azerbaycan-diaspor-gencleri-8-noyabr-zefer-gunu-munasibetile-bir-araya-gelib-3769

 

 

 

 

]]>