Daşkənddəki – Renk Gazetesi

Daşkənddəki Heydər Əliyev adına Azərbaycan Mədəniyyət Mərkəzində Özbəkistanın müstəqilliyinin 32-ci ildönümü qeyd edilib

Abdullah Yiğit — Tue, 05 Sep 2023 12:17:10 +0000

Daşkənddəki Heydər Əliyev adına Azərbaycan Mədəniyyət Mərkəzində Özbəkistanın müstəqilliyinin 32-ci ildönümü qeyd edilib

2023

Daşkənddəki Heydər Əliyev adına Azərbaycan Mədəniyyət Mərkəzində Özbəkistanın müstəqilliyinin 32-ci ildönümü qeyd edilib

Özbəkistanda fəaliyyət göstərən Heydər Əliyev adına Azərbaycan Mədəniyyət Mərkəzində qardaş və dost ölkənin müstəqilliyinin 32-ci ildönümü münasibəti ilə mərasim keçirilib.

Mərkəzin “Azərbaycan-Özbəkistan Dostluq Muzeyi”ndə baş tutan tədbirdə ölkənin elm, mədəniyyət, ədəbiyyat və incəsənət xadimləri, ali məktəblərin müəllimləri, jurnalistlər və Azərbaycan icmasının fəalları iştirak ediblər.

Tədbir Azərbaycan və Özbəkistana prezidentlərinin qarşılıqlı səfərləri haqqında videoçarxın nümayişi ilə başlayıb.

Qonaqları salamlayan mərkəz direktoru Samir Abbasov müstəqillik illərində Azərbaycan və Özbəkistanda həyata keçirilən dərin islahatlar, xalqlarımız arasında ənənəvi dostluq və qardaşlıq əlaqələrinin tarixi, Özbəkistan Prezidenti Şavkat Mirziyoyevin Azərbaycana səfəri çərçivəsində Füzuli şəhərində Özbəkistan dövlətinin vəsaiti hesabına tikilən və ölkəmizə hədiyyə edilən məktəbin acılısı barədə ətraflı məlumat verib. Ötən il Azərbaycan Prezidenti İlham Əliyevin üç dəfə Özbəkistanda səfərdə olduğunu xatırladaraq, bu səfərlərin ölkələrimiz arasında əlaqələrin və əməkdaşlığın yüksək səviyyəyə qalxmasında böyük rol oynadığını bildirib.

Tədbirdə çıxış edən alimlər Nigina Şermuxammedova, Rano Kadirova, şairə Nərgiza Əsədova, azərbaycanlı şair Əli Nəsirli və başqaları xalqlarımız arasında ənənəvi dostluq və qardaşlıq əlaqələrinin tarixi köklərindən, müstəqillik illərində Azərbaycanla Özbəkistan arasında bütün sahələri əhatə edən münasibətlərin daha da inkişaf etdiyindən danışıblar. Yüksək səviyyədə olan bu münasibətlərin qorunub saxlanılmasının vacibliyini vurğulayıblar.

Tədbirin bədii hissəsində mərkəzin nəzdindəki Kövkəb Əliyeva adına “Azərbaycan” rəqs ansamblının üzvləri milli rəqslərimizi təqdim ediblər.

FOTO QALEREYA

dostların arasında bunu ilk tövsiyyə edən sən ol
DIGƏR XƏBƏRLƏR

kaynak:https://diaspor.gov.az/az/news-detail/daskenddeki-heyder-eliyev-adina-azerbaycan-medeniyyet-merkezinde-ozbekistanin-musteqilliyinin-32-ci-ildonumu-qeyd-edilib-3426

Daşkənddəki icmamız azərbaycanlı boksçulara azarkeş dəstəyi nümayiş etdirib

Abdullah Yiğit — Tue, 16 May 2023 13:36:37 +0000

Daşkənddəki icmamız azərbaycanlı boksçulara azarkeş dəstəyi nümayiş etdirib
2023
Daşkənddəki icmamız azərbaycanlı boksçulara azarkeş dəstəyi nümayiş etdirib
Daşkənddə yaşayan Azərbaycan icmasının bir qrup gənc fəalı Özbəkistanda keçirilən həvəskarlar arasında boks üzrə XXII Dünya Çempionatının iştirak edən Azərbaycan komandasına azarkeş dəstəyi göstərib.

“Humo arena” stadionunda baş tutan çempionatda 107 ölkədən 13 çəki kateqoriyasında 538 boksçu iştirak edib.

Dünya çempionatının 13-14 may 2023-cü il tarixlərində baş tutan final yarışlarında azərbaycanlı boksçular ikinci və üçüncü yerləri tutublar.

Respublika Azərbaycan Milli Mədəniyyət Mərkəzinin təşəbbüsü ilə yarışı izləyən gənc fəallar tribunalarda Azərbaycan və Özbəkistanın dövlət bayraqlarını dalğalandırmaqla və müxtəlif şüarları səsləndirməklə idmançılarımızı dəstəkləyiblər.

Final yarışlarının sonunda gənc fəallar Azərbaycandan gələn nümayəndə heyəti ilə xatirə fotosu çəkdiriblər.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/daskenddeki-icmamiz-azerbaycanli-boksculara-azarkes-desteyi-numayis-etdirib-2958

Özbəkistandakı icmamız Türkiyənin Daşkənddəki səfirliyinə başsağlığı məktubu ünvanlayıb

Abdullah Yiğit — Thu, 09 Feb 2023 19:37:26 +0000

Özbəkistandakı icmamız Türkiyənin Daşkənddəki səfirliyinə başsağlığı məktubu ünvanlayıb

9 fevral, 2023

Özbəkistandakı icmamız Türkiyənin Daşkənddəki səfirliyinə başsağlığı məktubu ünvanlayıb

Özbəkistanda fəaliyyət göstərən Respublika Azərbaycan Milli Mədəniyyət Mərkəzi (RAMMM) Türkiyənin cənub-şərqində baş vermiş dəhşətli zəlzələ ilə bağlı qardaş ölkənin Daşkənddəki səfirliyinə başsağlığı məktubu ünvanlayıb.

Məktubda Özbəkistanda yaşayan Azərbaycan diasporu adından qardaş türk xalqına və həlak olanların ailələrinə başsağlığı verilib, yaralılara tezliklə sağalmaları arzulanıb. “Bu ağır dövrdə qəlblərimiz qardaş türk xalqı və dərin hüzn içində olan ailələrlə birlikdədir”, – deyə məktubda vurğulanıb.

Qeyd edək ki, RAMMM dəhşətli zəlzələ ilə bağlı yardım kampaniyasına başlayıb. Hazırda mərkəzdə yaradılmış operativ qərargahda Türkiyəyə yola salınması üçün ianə, mini generatorlar, elektrik qızdırıcıları, elektrik sobaları, ərzaq, yataq dəstləri və gigiyenik vasitələr toplanır.

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/ozbekistandaki-icmamiz-turkiyenin-daskenddeki-sefirliyine-bassagligi-mektubu-unvanlayib-2354