, 2026

GAİM-də gürcü dili kursları davam edir

Gürcüstanın Marneuli şəhərində fəaliyyət göstərən Gürcüstan Azərbaycanlılarının İnteqrasiya Mərkəzində (GAİM) yeni qəbul olunan gənclər üçün gürcü dili kursları davam edir.

İxtisaslı müəllimlər Lia Xaraişvilinin keçdiyi dərslər bazar ertəsi saat 12:30–13:30, şənbə və bazar günləri isə saat 12:30–14:30-da, Zülfinaz Əliyevanın dərsləri isə həftənin 1, 3 və 5-ci günləri saat 13:00–15:00, şənbə və bazar günləri saat 13:00–17:00-da təşkil olunur.

Kursların əsas məqsədi gənclərin gürcü dili biliklərini inkişaf etdirmək və onların cəmiyyətə inteqrasiyasına dəstək göstərməkdir.

Ünvan: Marneuli, Q. Mazniaşvili küçəsi 3 (Azərbaycan Evi, Ataholding)

Tel.: +995 588 88 39 19

E-poçt: [email protected]

Foto qalereya

dostların arasında bunu ilk tövsiyyə edən sən ol

Digər xəbərlər

kaynak:https://diaspor.gov.az/az/news-detail/gaim-de-gurcu-dili-kurslari-davam-edir-7422

https://x.com/DiasporaAz/status/2108549862841274870

2026

Krakov Azərbaycan Evində soydaşlarımıza konsulluq xidməti göstərilib

Polşanın Krakov şəhərində fəaliyyət göstərən Azərbaycan Evində soydaşlarımız üçün səyyar konsulluq xidməti təşkil edilib.

Azərbaycan Respublikasının Polşa Respublikasındakı Səfirliyinin dəstəyi ilə keçirilən xidmət zamanı konsulluq-hüquq məsələləri ilə bağlı vətəndaşların çoxsaylı müraciətlərinə baxılıb, onları maraqlandıran suallar cavablandırılıb və bir sıra məsələlərin həlli ilə bağlı müvafiq izahatlar verilib.

Səyyar konsulluq xidmətinin keçirilməsində əsas məqsəd Krakov və ətraf şəhərlərdə yaşayan Azərbaycan vətəndaşlarının konsulluq xidmətlərindən daha rahat və operativ şəkildə yararlanmasına şərait yaratmaq, obyektiv səbəblərdən Varşavaya gedə bilməyən soydaşlarımızın müraciətlərinə yerində baxılmasını təmin etmək olub.

Foto qalereya

https://x.com/DiasporaAz/status/2106285231078846816

dostların arasında bunu ilk tövsiyyə edən sən ol

Digər xəbərlər

kaynak:https://diaspor.gov.az/az/news-detail/krakov-azerbaycan-evinde-soydaslarimiza-konsulluq-xidmeti-gosterilib-7402

https://x.com/DiasporaAz/status/2106285231078846816

2026

Edinburq Universitetinin Azərbaycan Tələbə Cəmiyyəti yeni tədris ilinə silsilə tədbirlərlə başlayıb

Böyük Britaniyanın Edinburq Universitetində yeni tədris ili münasibətilə “Tələbə fəaliyyətləri” sərgisi təşkil olunub. Həmin ali təhsil müəssisəsində fəaliyyət göstərən Azərbaycan Tələbə Cəmiyyəti Azərbaycan Respublikasının Diasporla İş üzrə Dövlət Komitəsinin dəstəyilə sərgidə iştirak edib.

Cəmiyyətə məxsus stenddə ziyarətçilərə Azərbaycanın zəngin mədəniyyəti, tarixi, adət-ənənələri, eləcə də Azərbaycan Tələbə Cəmiyyətinin fəaliyyəti və həyata keçirdiyi layihələr barədə ətraflı məlumat verilib. Qonaqlara milli mətbəximizə aid müxtəlif şirniyyatlar təqdim olunub. Gün ərzində stendi 400-ə yaxın tələbə ziyarət edib. İştirakçıların bir qismi cəmiyyətin sosial media hesablarını izləməyə başlayıb, gələcək tədbirlərdə iştirak etməkdə maraqlı olduqlarını bildiriblər.

Sərgidə iştirakla yanaşı, Azərbaycan Tələbə Cəmiyyəti yeni tədris ilinin başlanması münasibətilə azərbaycanlı tələbələr üçün tanışlıq və məlumatlandırma xarakterli görüş də keçirib. Görüş Diasporla İş üzrə Dövlət Komitəsinin dəstəyilə baş tutub. Tədbirə Edinburq Universitetinin tələbələri, “Caspian Circle” təşkilatının rəhbəri Fuad Ələkbərov, Edinburq və Kraliça Marqaret Universitetlərində çalışan azərbaycanlı müəllimlər, St Andrews Universitetindən gələn qonaqlar da daxil olmaqla, 50-yə yaxın iştirakçı qatılıb.

Azərbaycan Tələbə Cəmiyyətinin rəhbəri, “2022-2028-ci illər üçün Dövlət Proqramı” çərçivəsində Edinburq Universitetində təhsil alan Akif Hüseynov cəmiyyətin fəaliyyəti, qarşıdakı tədris ili üzrə planlar, eləcə də azərbaycanlı tələbələrin universitet həyatına uyğunlaşmasına dəstək məqsədilə nəzərdə tutulan təşəbbüsləri diqqətə çatdırıb.

Bununla yanaşı, yeni qəbul olan tələbələr universitetin ictimai və akademik mühitində fəal iştirakın əhəmiyyəti barədə məlumatlandırılıb və onlara müvafiq tövsiyələr verilib.

https://x.com/DiasporaAz/status/2102376888064950528

Daha sonra iştirakçılar müxtəlif interaktiv oyunlarda iştirak ediblər. Bu proqram yeni və əvvəlki üzvlər arasında ünsiyyətin möhkəmlənməsinə, səmimi mühitin formalaşmasına şərait yaradıb. Sonda qaliblərə hədiyyələr təqdim olunub.

Foto qalereya

dostların arasında bunu ilk tövsiyyə edən sən ol

Digər xəbərlər

kaynak:https://diaspor.gov.az/az/news-detail/edinburq-universitetinin-azerbaycan-telebe-cemiyyeti-yeni-tedris-iline-silsile-tedbirlerle-baslayib-7365

2026

Polşada Azərbaycan əleyhinə təxribatın qarşısı alınıb

Krakov Azərbaycan Evinə Polşanın bir sıra marketlərində Azərbaycan əleyhinə təxribat xarakterli materialların satılması ilə bağlı məlumat daxil olub. Məlumata əsasən, müxtəlif ölkələrin bayraq və xəritələrinin göstərildiyi kitabça və bukletlərdə artıq mövcud olmayan separatçı rejimin simvolu da yer alıb.

Müraciət əsasında məsələ dərhal araşdırılıb və Azərbaycan tərəfinin etirazı ilə əlaqədar sözügedən materialın satışının qarşısının alınması istiqamətində müvafiq tədbirlər görülüb. Nəticədə məhsulun satışdan çıxarıldığı və gələcəkdə analoji halların təkrarlanmayacağı barədə Krakov Azərbaycan Evinə məlumat verilib.

Məsələ Azərbaycan Respublikasının Polşa Respublikasındakı Səfirliyinin də diqqətinə çatdırılıb. Səfirlik materialı istehsal edən “Henry” şirkətinin direktoru Çezare Popiel ilə əlaqə saxlayaraq Azərbaycan tərəfinin etirazını bildirib. Şirkətin rəhbəri baş verən yanlışlıqla bağlı üzr istəyib, məhsulun istehsalının və satışının dayandırıldığını qeyd edib, Azərbaycanın suverenliyinə, müstəqilliyinə və ərazi bütövlüyünə hörmətlə yanaşdığını vurğulayıb.

dostların arasında bunu ilk tövsiyyə edən sən ol

Digər xəbərlər

kaynak:https://diaspor.gov.az/az/news-detail/polsada-azerbaycan-eleyhine-texribatin-qarsisi-alinib-7367

https://x.com/DiasporaAz/status/2102728323948535911

2026

Almaniyada Ulu Öndər Heydər Əliyevin əziz xatirəsinə həsr edilən idman festivalı keçirilib

Almaniyanın Barleben şəhərində Ümummilli Lider Heydər Əliyevin anadan olmasının 103-cü ildönümünə həsr edilən idman festivalı keçirilib. Festival Azərbaycan Respublikasının Diasporla İş üzrə Dövlət Komitəsinin dəstəyi, Berlindəki Azərbaycan Evinin, Maqdeburqda fəaliyyət göstərən Heydər Əliyev adına Dünya Boks Komitəsinin və Diaspor Boks Liqasının birgə təşkilatçılığı ilə baş tutub.

Ulu Öndər Heydər Əliyevin uşaqlara, gənclərə və ailə dəyərlərinə verdiyi yüksək önəmin təbliği festivalın əsas məramını təşkil edib. Məhz bu yanaşma tədbirin ruhuna sirayət edib və böyük rəğbətlə qarşılanıb.

Festival Almaniyanın Maqdeburq və ətraf bölgələrindən gələn yüzlərlə sakinə əsl bayram ovqatı yaşadıb. Günboyu davam edən tədbirdə uşaqlar üçün qurulan attraksionlar, idman oyunları, interaktiv proqramlar, ailələrin birlikdə vaxt keçirməsi və hökm sürən səmimi atmosfer festivalın yadda qalan məqamlarından olub. Musiqi sədaları altında ifa olunan rəqslər iştirakçılara xoş anlar bəxş edib.

https://x.com/DiasporaAz/status/2054772464710816111

Heydər Əliyev adına Dünya Boks Komitəsinin və Diaspor Boks Liqasının rəhbəri Yaşar Niftəliyev festivalın əsas məqsədinin Ümummilli Lider Heydər Əliyevin uşaqlara və gənclərə göstərdiyi diqqət və qayğını yaşatmaq, onların sağlam həyat tərzinə marağını artırmaq olduğunu söyləyib. O, Ulu Öndər Heydər Əliyevin xatirəsinə həsr olunan bu festivalın hər il keçirildiyini xatırladıb. Festivalda idmanın bir sıra növləri, o cümlədən boks üzrə yarışların da təşkil olunduğunu qeyd edərək bu təşəbbüsün Almaniyada yaşayan azərbaycanlıların yerli cəmiyyətə inteqrasiyasına və lobbiçilik fəaliyyətinə böyük təsir göstərdiyini vurğulayıb.

https://x.com/DiasporaAz/status/2054772464710816111

Maqdeburq şəhər şurasının üzvü Bernd Heyneman isə Azərbaycan dövlətinin qurucusu Heydər Əliyevin anadan olmasının 103-cü ildönümü münasibətilə keçirilən boks turnirindən məmnunluğunu bildirib.

Boks hakimi Rolf Kunş ənənəyə çevrilən festivalın inamlı və maraqlı döyüşlərlə yadda qaldığını söyləyib.

Xatırladaq ki, Heydər Əliyev adına Dünya Boks Komitəsi 2012-ci ildə yaradılıb və beynəlxalq səviyyədə fəaliyyət göstərir. Məqsədi dünyada yaşayan azərbaycanlı idmançıları bir araya gətirmək, Ulu Öndər Heydər Əliyevin idmanla bağlı tövsiyələrini yerinə yetirmək, Ümummilli Liderin adını daşıyan kəmərləri dünyanın ən məşhur kəmərləri sırasına çıxarmaqdır.

Foto qalereya

https://x.com/DiasporaAz/status/2054772464710816111

dostların arasında bunu ilk tövsiyyə edən sən ol

Digər xəbərlər

kaynak:https://diaspor.gov.az/az/news-detail/almaniyada-ulu-onder-heyder-eliyevin-eziz-xatiresine-hesr-edilen-idman-festivali-kecirilib-7016

https://x.com/DiasporaAz/status/2054772464710816111

2026

“Odlar Yurdu” Boks Klubunun idmançıları çempion olub

Almaniyanın Saksoniya-Anhalt vilayətində təşkil olunan regional həvəskar boks çempionatında “Odlar Yurdu” Boks Klubu uğurlu çıxış edib.

https://x.com/DiasporaAz/status/2031712717531492738

Gənclər arasında keçirilən yarışlarda klubun iki idmançısı yüksək peşəkarlıq nümayiş etdirərək çempionluq qazanıb. Belə ki, 54 kq çəki dərəcəsində çıxış edən Oleksandr Standik və 60 kq çəki dərəcəsində mübarizə aparan Dmytro Turkulets rəqiblərinə qalib gələrək regional çempion adına layq görülüblər. “Odlar Yurdu”nun idmançılarının rinqdəki peşəkarlığı böyük maraq və coşqu ilə izlənib.

https://x.com/DiasporaAz/status/2031712717531492738

Qeyd edək ki, 22 və 29 mart tarixlərində keçiriləcək növbəti yarışlarda klubun daha iki idmançısı digər yaş qrupunda rinqə çıxaraq öz güclərini sınayacaqlar. Klub rəhbərliyi bu yarışlarda da uğurlu nəticələrin əldə olunacağına inam ifadə edib.

Foto qalereya

https://x.com/DiasporaAz/status/2031712717531492738

dostların arasında bunu ilk tövsiyyə edən sən ol

Digər xəbərlər

kaynak:https://diaspor.gov.az/az/news-detail/odlar-yurdu-boks-klubunun-idmancilari-cempion-olub-6819

https://x.com/DiasporaAz/status/2031712717531492738

2026

İsveçrədə Azərbaycan musiqiləri səsləndirilib

İsveçrənin Nevşatel (Neuchâtel) şəhərində Azərbaycan musiqi mədəniyyətinin beynəlxalq aləmdə təbliği məqsədilə konsert təşkil olunub. Tədbir Azərbaycan Respublikasının Diasporla İş üzrə Dövlət Komitəsinin dəstəyi, Azərbaycanın Dostları Birliyinin təşkilatçılığı ilə baş tutub.

Azərbaycanın Dostları Birliyinin rəhbəri Arzu Əliyeva Bodmer açılış nitqində rəhbərlik etdiyi təşkilatın fəaliyyəti haqqında geniş məlumat verib. Xüsusilə İsveçrədə Azərbaycanın tanıdılması, mədəniyyətinin təbliği və ölkələr arasında dostluq əlaqələrinin möhkəmləndirilməsi üçün həyata keçirilən müxtəlif layihələr və tədbirlər haqqında danışıb.

https://x.com/DiasporaAz/status/2031728542539747773

Konsertdə Nevşatel Kanton Konservatoriyasının piano müəllimi Yekaterina Massardın rəhbərliyi ilə Nevşatel Musiqi Liseyinin şagirdləri Azərbaycanın görkəmli bəstəkarları Fikrət Əmirov və Tofiq Quliyevin əsərlərini səsləndiriblər. Onların peşəkar və həssas ifaları tamaşaçılara unudulmaz musiqi axşamı yaşadıb.

https://x.com/DiasporaAz/status/2031728542539747773

Proqrama daxil edilən bəstələrdə Azərbaycanın xalq musiqisi ilə akademik musiqisinin harmoniyası, milli koloriti parlaq şəkildə təzahür olunub. Nəticədə dinləyicilər xalqımızın bədii-estetik dəyərləri ilə yaxından tanış olmaq imkanı qazanıblar.

Müxtəlif çap materiallarının yer aldığı guşədə isə qonaqlar Azərbaycanın tarixi, adət-ənənələri və turizm potensialı haqda məlumatlar əldə ediblər.

Nevşatel Musiqi Liseyinin şagirdlərinin valideynləri layihəni yüksək qiymətləndiriblər. Onlar bu cür konsertlərin gələcəkdə İsveçrənin almandilli bölgələrində də təşkil olunmasına dair arzularını dilə gətiriblər.

Foto qalereya

https://x.com/DiasporaAz/status/2031728542539747773

dostların arasında bunu ilk tövsiyyə edən sən ol

Digər xəbərlər

kaynak:https://diaspor.gov.az/az/news-detail/isvecrede-azerbaycan-musiqileri-seslendirilib-6821

2026

London Şəhər Universitetində Xocalı şəhidləri anılıb

Böyük Britaniyanın London Şəhər Universitetində Xocalı soyqırımının 34-cü ildönümü ilə əlaqədar anım tədbiri keçirilib.

Tədbir Britaniya Azərbaycanlıları Cəmiyyəti və universitetin Azərbaycan Tələbə Cəmiyyəti tərəfindən təşkil olunub.

Azərbaycan Tələbə Cəmiyyətinin rəhbəri Emil Hüseynlinin aparıcılığı ilə keçirilən tədbirdə əvvəlcə Xocalı soyqırımı qurbanlarının əziz xatirəsi bir dəqiqəlik sükutla yad edilib.

https://x.com/DiasporaAz/status/2028882148329943415

Daha sonra Azərbaycanın Böyük Britaniyadakı fövqəladə və səlahiyyətli səfiri Elin Süleymanov 1992-ci il fevralın 26-da Xocalıda dinc əhaliyə qarşı törədilən qətliamın ağır nəticələrindən danışıb.

https://x.com/DiasporaAz/status/2028882148329943415

Tədbirdə “Müharibə uşaqların gözü ilə” layihəsinin təsisçisi Nərminə Məmmədova da çıxış edib. O, şəxsi xatirələrini bölüşərək müharibənin uşaqların taleyində buraxdığı dərin yaralardan danışıb. Həmçinin layihə və müsabiqənin Britaniyada geniş maraq doğurduğunu, onlarla məktəbin təşəbbüsə qoşulduğunu diqqətə çatdırıb.

Britaniya Azərbaycanlıları Cəmiyyətinin rəhbəri Fəridə Pənahova qeyd edib ki, diaspor təşkilatlarının əsas məqsədi həqiqətlərin unudulmamasına nail olmaq və bu faciə barədə düzgün məlumatın gələcək nəsillərə çatdırılmasını təmin etməkdir.

Tədbir çərçivəsində Zəngilan rayonundan olan və Birinci Qarabağ müharibəsində ailə üzvlərini itirən Səyavuş Hüseynov ilə videomüsahibə təqdim edilib.

https://x.com/DiasporaAz/status/2028882148329943415

“Müharibə uşaqların gözü ilə” sərgisində müxtəlif ölkələrdən, o cümlədən Böyük Britaniyadan uşaqların çəkdikləri rəsmlər nümayiş olunub. Eyni zamanda Xocalı həqiqətləri haqqında film göstərilib.

Sonda ukraynalı skripkaçı Sofiya Yaborska Xocalı qurbanlarının xatirəsinə ithaf olunan həzin musiqi parçaları ifa edib.

Foto qalereya

https://x.com/DiasporaAz/status/2028882148329943415

dostların arasında bunu ilk tövsiyyə edən sən ol

Digər xəbərlər

kaynak:https://diaspor.gov.az/az/news-detail/london-seher-universitetinde-xocali-sehidleri-anilib-6784

https://x.com/DiasporaAz/status/2028882148329943415

2026

Kaliforniyada Xocalı şəhidlərinin əziz xatirəsi yad edilib

Şimali Kaliforniya Azərbaycan Mədəniyyət Cəmiyyətinin (ACSNC) nəzdindəki Azərbaycan Gənclər Rəqs Ansamblının növbəti dərsləri Xocalı soyqırımının 34-cü ildönümünə həsr olunub.

Şagirdlər əvvəlcə Xocalıda şəhid olan günahsız insanların əziz xatirəsini dərin ehtiramla yad edib, xüsusi hazırlanan guşənin önünə güllər düzüblər.

https://x.com/DiasporaAz/status/2028886638122701156

Cəmiyyətin bədii rəhbəri Anar Allahverdov xalqımızın yaddaşına qanla yazılan 1992-ci il 26 fevral tarixinin mahiyyətindən danışıb. Xocalı həqiqətlərinin unudulmamasının, qurbanlarının xatirəsinə hörmət göstərilməsinin və belə faciələrin bir daha təkrarlanmamasının vacibliyini vurğulayıb.

Dərsdə, həmçinin tarixi yaddaşın qorunmasının və onun gənc nəsillərə ötürülməsinin əhəmiyyəti barədə söhbət aparılıb.

https://x.com/DiasporaAz/status/2028886638122701156

Qeyd edək ki, Şimali Kaliforniya Azərbaycan Mədəniyyəti Cəmiyyəti (ACSNC) artıq 40 ildən çoxdur fəaliyyət göstərir. Təşkilat Vətəndən uzaqda olan soydaşlarımız üçün mədəni və maarifləndirici tədbirlər təşkil etməklə, mədəniyyətimizi, tariximizi Amerika cəmiyyətində tanıtmaq missiyasını yerinə yetirir. Komitənin dəstəyi ilə Cəmiyyətin tərkibində fəaliyyət göstərən Azərbaycan Gənclər Rəqs Ansamblında milli rəqs dərsləri keçirilir.

Foto qalereya

https://x.com/DiasporaAz/status/2028886638122701156

dostların arasında bunu ilk tövsiyyə edən sən ol
Digər xəbərlər

kaynak:https://diaspor.gov.az/az/news-detail/kaliforniyada-xocali-sehidlerinin-eziz-xatiresi-yad-edilib-6787

https://x.com/DiasporaAz/status/2028886638122701156

24 fevral, 2026

Şimkənddə Xocalı soyqırımı qurbanları anılıb

Qazaxıstanın Şimkənd şəhərində fəaliyyət göstərən Azərbaycan Mədəniyyət Mərkəzi İctimai Birliyinin nəzdindəki həftəsonu məktəbində Xocalı soyqırımına həsr olunan açıq dərs keçirilib.

Müəllimə Günel Abbasova şagirdlərə faciənin tarixindən bəhs edib, onun Azərbaycan xalqının yaddaşında dərin iz buraxdığını bildirib.

https://x.com/DiasporaAz/status/2026221244006175142

Dərsdə, həmçinin bu soyqırımını əks etdirən foto və videomateriallar nümayiş olunub.

https://x.com/DiasporaAz/status/2026221244006175142

Belə tədbirlərin keçirilməsi gənc nəslin tarixi həqiqətlər barədə maarifləndirilməsi, milli yaddaşın qorunması və vətənpərvərlik ruhunun formalaşması baxımından böyük əhəmiyyət daşıyır.

Foto qalereya

https://x.com/DiasporaAz/status/2026221244006175142

dostların arasında bunu ilk tövsiyyə edən sən ol
Digər xəbərlər

Kaynak:https://diaspor.gov.az/az/news-detail/simkendde-xocali-soyqirimi-qurbanlari-anilib-6696

https://x.com/DiasporaAz/status/2026221244006175142